विराटचोकः नेपाल उद्योग तथा व्यवसायी महासंघ कोशी प्रदेशको पहिलो अधिवेशनले माधवराज थापालाई अध्यक्षमा चयन गरेको छ । अधिवेशनले सचिव पदमा डिल्लीप्रसाद ढकाललाई चयन गरेको छ ।
मङ्गलबार सम्पन्न भएको अधिवेशनले महासंघको उपाध्यक्षमा उमेश घिमिरे, उपसचिवमा यादवमणि दाहाल, कोषाध्यक्षमा सन्तोष उप्रेती र सहकोषाध्यक्षमा चन्द्रप्रसाद अधिकारीलाई चयन गरेको छ ।
सो अधिवेशनमा ११ वटा वस्तुगत संगठन र कोशी प्रदेशका १४ जिल्लाका प्रतिनिधिहरूले भाग लिएका थिए ।
