इटहरीः इटहरीमा २०८२ साल बैशाखदेखि मङ्गल राधिका सदानन्द प्रणामी अस्पताल सञ्चालनमा आउने भएको छ । प्रणामी मन्दिर मुक्तिधामको व्यवस्थापनमा सो अस्पताल सञ्चालनमा आउन लागेको हो ।
श्रीकृष्ण प्रणामी मन्दिर मुक्तिधाम इटहरीका अनुसार २०८२ सालको बैशाख १ गते स्वामी १०८ सदानन्द महाराजबाट अस्पतालको उद्घाटन हुने छ । श्रीकृष्ण प्रणामी मन्दिर मुक्तिधाम इटहरीको ४६ औँ वार्षिक उत्सवको अवसर पारेर अस्पताल उद्घाटन गरिने भएको हो ।
सो अवसरमा श्री १०८ पाठपरायण अन्तर्राष्ट्रिय महोत्सव समेत आयोजना गर्न लागिएको आयोजक मूल समारोह समितिका अध्यक्ष हेमप्रसाद घिमिरेले बताउनुभयो । अस्पतालमा एमडी एक जना र २ जना एमबिबिएस डाक्टरले सेवा दिने बताइएको छ ।
