विराटचोकः लामो समयपछि नेपाली शेयर बजारमा बजार खुल्नासाथ अप्रत्याशित रुपमा सूचक बढेपछि ब्रेकर लगाएर २० मिनेटलाई कारोबार बन्द गरिएको छ ।
शुक्रबार सार्वजनिक मौद्रिक नीतिपछि उत्साहित भएका लगानीकर्ताले खरीद चाप बढेपछि बजार खुलेको पाँचौँ मिनेटमा नै समग्र सूचक ४ प्रतिशतले बढेपछि कारोबार २० मिनेटका लागि बन्द भएको हो ।
सूचक ५ प्रतिशत बढ्यो भने फेरि ३० मिनेटका लागि ब्रेक लाग्नेछ र ६ प्रतिशत बढ्यो भने आजको कारोबार नै बन्द हुनेछ ।
शेयरको भाउ अप्रत्याशित रुपमा घटबढ नहोस् भनेर नेप्सेले ४, ५ र ६ प्रतिशत बजार बढ्दा वा घट्दा सर्किट ब्रेकर लगाउने गर्छ ।
