विराटचोकः सिद्धार्थ प्रिमियर इन्स्योरेन्स कम्पनी लिमिटेडले गत आर्थिक वर्षमा ६९ करोड २३ लाख रुपैयाँ खुद नाफा कमाएको छ । यो अघिल्लो आर्थिक वर्षको भन्दा ८२ दशमलव ५२ प्रतिशत बढी हो । अघिल्लो आर्थिक वर्ष सो इन्स्योरेन्सले ३७ करोड ९३ लाख रुपैयाँ मात्र खुद नाफा कमाएको थियो ।
इन्स्योरेन्सको खुद आर्जित बीमाशुल्क ७८ दशमलव १२ प्रतिशत र कुल आम्दानी ५१ दशमलव ३४ प्रतिशत बढेको छ । इन्स्योरेन्सको खुद दाबी भुक्तानी ६१ दशमलव ८२ प्रतिशत र कुल खर्च ५१ दशमलव ८६ प्रतिशत बढेको छ ।
इन्स्योरेन्सको प्रतिशेयर आम्दानी ११ रुपैयाँ १५ पैसा बढेर २४ रुपैयाँ ६७ पैसा पुगेको छ । २ अर्ब ८० करोड रुपैयाँ चुक्ता पूँजी रहेको इन्स्योरेन्सको विशेष जगेडामा २ अर्ब ५० करोड रुपैयाँ, महाविपत्ति कोषमा १८ करोड ९१ लाख रुपैयाँ, रिटेन्ड अर्निङ्गमा १ अर्ब ११ करोड ७३ लाख रुपैयाँ र अन्य इक्विटीमा १ अर्ब ६ करोड २२ लाख रुपैयाँ रहेको छ ।
