विराटचोकः हिमालय टेलिभिजनद्वारा प्रशारण भइरहेको गायन रियालिटी शो ‘द भ्वाइस किड्स’ सिजन ३ मा मोरङको सुन्दरहरैंचा– १० निवासी समीक्षा दाहाल फाइनलमा पुगेपछि उनलाई आज विराटचोकमा सम्मान गरिएको छ ।
सेमीफाइनल राउण्डमा प्रस्तुति दिएर गृहनगर सुन्दरहरैँचा आइपुगेकी उनलाई आफन्त, साथीभाइ, छिमेकी र नगरवासीका साथै शुभेच्छुकहरुले सम्मान गरेका हुन् । आफूलाई जिताउन भोट अपिल गर्दै उनले दर्शकहरुको मायाले आफू यहाँसम्म पुगेको उनको भनाइ छ ।
शनिबार प्रतियोगिताको फाइनल काठमाडौंमा हुने भएको छ ।
