विराटचोकः आज सुनको भाउले नयाँ रेकर्ड कायम गरेको छ । तोलामा ३०० रुपैयाँ बढ्दै सुनको भाउले नयाँ रेकर्ड कायम गरेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ५० हजार रुपैयाँ पुगेको छ । योसँगै साउन १८ गते शुक्रबार कायम भएको रेकर्ड तोडिएको हो । सो दिन सुनको भाउ तोलाको १ लाख ४९ हजार रुपैयाँ ९ सय रुपैयाँ पुगेको थियो ।
हिजो आइतबार सुनको भाउ तोलामा २०० रुपैयाँ घटेको थियो ।
