खाँदबारीः सङ्खुवासभा जिल्लामै पहिलो सामुदायिक पुस्तकालय सङ्खुवासभा जिल्लाको धर्मदेवी नगरपालिकामा सामुदायिक पुस्ताकालय स्थापना हुने भएको छ । साढे ३ तलाको निर्माण हुनेछ । अहिले पहिलो तला निर्माण भइसकेको छ ।
पालिकाको मुढेशनिश्चरेमा शान्ति भोलेन्टियर एशोसिएसन नेपाल, रिड नेपाल, धर्मदेवी नगरपालिका र द पिपुल अफ जापानको आर्थिक सहयोगमा २ करोड ४७ लाख ७ हजार ७ सय ७८ रुपैयाँको लागतमा धर्मदेवी सामुदायिक पुस्तकालय तथा स्रोत केन्द्र बन्ने भएको हो ।
भवन निर्माण उप–समितिका संयोजक सुरेन बस्नेतका अनुसार सामुदायिक पुस्ताकालय तथा स्रोत केन्द्र मार्फत समुदायमा आधारित व्यवसायिक तथा प्राविधिक सीप विकास गर्न सहज हुनेछ । विभिन्न सीपमूलक तालिम तथा कार्यक्रम गर्न सकिने निर्माण समितिका अध्यक्ष भीम लिंखा बताउनुहुन्छ ।
समुदायका नागरिकहरुलालाई पठन संस्कृतिको विकास गर्ने लक्ष्य सहित पुस्ताकालयको स्थापना गर्न लागिएको धर्मदेवी नगरपालिका वडा नं–३ का वडाध्यक्ष श्यामबहादुर पौडेलले जानकारी दिनुभयो ।
सामुदायिक पुस्ताकालय तथा श्रोत केन्द्र मार्फत समुदायमा आधारित व्यवसायिक तथा प्राविधिक सीप विकास प्रदान गर्ने उद्देश्यले स्थापना गर्न लागिएको धर्मदेवी नगरपालिकाका नगरप्रमुख उदयचन्द्र पौडेलले बताउनुभयो ।
