विराटचोकः निरन्तर बढिरहेको नेपाली शेयर बजारले आज २८०० अङ्क चुमेको छ । बिहान ११ बजे खुलेको शेयर बजारले दिउँसो १२ बजेर ३१ मिनेट जाँदा २८०० को बिन्दु चुमेको हो ।
आज ११ बजेर ४ मिनेट जाँदा नै २७८६ बिन्दुसम्म आएको बजार त्यसपछि भने ओरालो लाग्ने क्रममा रातो पोतिएको थियो । ओरालो यात्रामा हिँडेको बजारले ११ बजेर १६ मिनेट जाँदा २७४७ को बिन्दुलाई छोएको थियो ।
त्यसपछि बजार फेरि उकालो लागेर २७९१ सम्म पुगेपनि फेरि ओरालो झरेको थियो । २७७२ सम्म ओरालो झरेर उकालो लागेको बजार झण्डै आधा घण्टा १७८० को आसपास घुमेको थियो । त्यसपछि शुरु भएको उकालो यात्राले हिजो भन्दा ३९ दशमलव २४ अङ्क बढेर २८०० को बिन्दु चुमेको हो ।
बजारले २८०० को बिन्दु पार गर्दै गर्दा अर्ब रुपैयाँको शेयर कारोबार भएको छ । सबैभन्दा धेरै हिमालयन रिइन्स्योरेन्सको कारोबार भएको छ । डेढ घण्टामा अर्ब २६ करोड रुपैयाँको शेयर किनबेच भएको छ ।
