नुवाकोटः नेपाल एकायन कराते संघ बेलकोटगढी, पाखुरे शाखाको आयोजनामा प्रथम बागमती प्रदेशस्तरीय एकायन कराते प्रतियोगिता सञ्चालन हुने भएको छ । मंसिर २३ गते हुने प्रतियोगिता नुवाकोट बेलकोटगढी, पाखुरे स्थित श्री पञ्चकन्या आधारभूत बिद्यालयमा आयोजना हुने भएको हो ।
विभिन्न १० तौल समूहमा खेलाइने खेलमा बागमती प्रदेशका १३ वटा जिल्लाका महिला र पुरुष गरी ९७ जना खेलाडी सहभागी हुने आयोजकले जनाएको छ । प्रतियोगितालाई सम्पन्न गर्न बेलकोटगढी शाखा प्रमुख समसेर लामाको संयोजकत्वमा १२ सदस्यीय व्यवस्थापन समिति र ८ सदस्यीय सल्लाहकार समिति गठन गरिएको छ ।
