गत साता रोकिएको मौद्रिक नीति आज आउने

विराटचोकः डा. युवराज खतिवडा प्रधानमन्त्रीको आर्थिक सल्लाहकार नियुक्त भएपछि अघिल्लो शुक्रबार रोकिएको चालु आर्थिक वर्षको मौद्रिक नीति आज सार्वजनिक हुने भएको छ ।

आज बिहान राष्ट्र बैंक सञ्चालक समितिको बोर्ड बैठक बसी निर्णय गरेपछि मौद्रिक नीति सार्वजनिक गरिने भएको हो । राष्ट्र बैंकको गभर्नरसमेत रहिसकेका डा. खतिवडा प्रधानमन्त्रीको आर्थिक सल्लाहकार बनेपछि मौद्रिक नीतिमा उहाँका सुझावलाई समेत लिन गत शुक्रबार मौद्रिक नीति सार्वजनिक गरिएको थिएन ।