बेलबारीः मोरङको बेलबारी नगरपालिका वडा नम्बर ७ का ७० वर्षीय जामुनलाल झाँगडलाई छोराबुहारीले बेलबारी–चिसाङ साझेदारी वन क्षेत्रको बीच जंगलमा लगेर छोडेको पाइएको छ । सो साझेदारी वनका अध्यक्ष दिनेश गिरीका अनुसार उद्धार गरिएका व्यक्तिको बेलबारी नगर अस्पतालमा उपचार भइरहेको छ ।
वनका हेरालुले आज बिहान उनलाई फेला पारेका थिए । छोराबुहारीले मोटरसाइकलमा राखेर बनको बीचमा लगेर छोडेको झाँगडको भनाइ छ ।
झाँगडलाई सब डिभिजन वन कार्यालय, इलाका प्रहरी कार्यालय र बेलबारी नगरपालिकाका प्रतिनिधिसहितको रोहबरमा उद्धार गरिएको थियो । उहाँको बेलबारी नगर अस्पतालमा उपचार भइरहेको छ ।
