धरानः नेकपा एमालेका नेता किशोरकुमार कार्की राष्ट्रिय प्रजातन्त्र पार्टीमा प्रवेश गरेका छन् । एमाले पूर्व कोशी प्रदेश कमिटी सदस्य कार्की आइतबार राप्रपा प्रवेश गरेका हुन् ।
राप्रपा अध्यक्ष राजेन्द्र लिङ्देनले कार्कीलाई पार्टी केन्द्रीय कार्यालय धुम्बाराहीमा स्वागत गरेका हुन् । अध्यक्ष लिङ्देनलाई भूगोल केन्द्रित आन्तरिक अभियानका क्रममा धरानमा खटिएको बेला कार्कीलाई प्रवेश गराउने बारे छलफल गरेका थिए ।
कार्की धरानबाट प्रकाशित हुने ब्लाष्ट टाइम्स दैनिकका प्रबन्ध निर्देशक हुन् । गत स्थानीय तह, प्रदेश र प्रतिनिधिसभा निर्वाचनमा एमालेको टिकट वितरणमा कार्कीले असन्तुष्टि जनाएका थिए ।
