सरकार परिवर्तनको कसरतसँगै प्रि ओपनमा बढ्यो नेप्से, ४ कम्पनीको भाउ स्थिर, अरुमा हरियाली

विराटचोकः वर्तमान गठबन्धन टुट्ने निश्चितजस्तै भएपछि शेयर लगानीकर्ताले हरियो झण्डा देखाएर स्वागत गरेका छन् ।

आज प्रि ओपन सेसनमा जम्मा १७७ कम्पनीको शेयर किनबेच हुँदा ४ वटाको भाउ मात्रै स्थिर रहेको छ । बाँकी १७३ कम्पनीको भाउ बढेको छ । ६७३ पटकको कारोबारमा ६५ हजार ३२२ कित्ता शेयर किनबेच हुँदा २ करोड ४४ लाख ८ हजार ५९६ रुपैयाँको शेयर किनबेच भएको छ ।