विराटचोकः आज सुनको भाउ तोलामा ४०० रुपैयाँ घटेको छ भने चाँदीको भाउ तोलामा १० रुपैयाँ घटेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ४१ हजार २ सय रुपैयाँ कायम भएको छ । तेजावी सुनको मूल्य प्रतितोला १ लाख ४० हजार ५ सय रुपैयाँ कायम भएको छ ।
आज चाँदीको मूल्य भने तोलामा १० रुपैयाँ घटेर प्रतितोला १ हजार ८०० रुपैयाँ कायम भएको छ ।
गत शुक्रबार सुनको भाउ हालसम्मकै उच्च मूल्यमा पुगी रेकर्ड कायम हुँदा प्रति तोला १ लाख ४५ हजार रुपैयाँमा कारोबार भएको थियो ।
हिजो सुनको भाउ स्थिर रहेको थियो भने चाँदीको भाउ तोलामा १० रुपैयाँ घटेको थियो ।
अस्ति सुनको भाउ तोलामा ५०० रुपैयाँ र चाँदीको भाउ तोलामा ५ रुपैयाँ बढेको थियो ।
