सुनको भाउ २०० रुपैयाँ घट्यो, चाँदीको २५ रुपैयाँ

विराटचोकः आज सुन र चाँदी दुवैको भाउ घटेको छ । सुनको भाउ तोलामा २ सय रुपैयाँ र चाँदीको भाउ तोलामा २५ रुपैयाँ घटेको हो ।

नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४२ हजार रुपैयाँ निर्धारण भएको छ । तेजाबी सुनको भाउ प्रति तोला १ लाख ४१ हजार ३०० रुपैयाँ र चाँदीको भाउ प्रति तोला १ हजार ८५० रुपैयाँ निर्धारण भएको छ ।

गत शुक्रबार सुनको भाउ तोलामा १७०० रुपैयाँ बढेर हालसम्मकै उच्च बिन्दु १ लाख ४२ हजार २०० रुपैयाँ कायम भएको थियो ।