विराटचोकः हिजो हालसम्मकै उच्च मूल्यमा कारोबार भएको सुन र चाँदीको भाउ आज घटेको छ । आज सुन र चाँदी दुवैको भाउ घटेको छ । सुनको भाउ तोलामा १२०० रुपैयाँ र चाँदीको भाउ तोलामा ५५ रुपैयाँ घटेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ४० हजार ६०० रुपैयाँ कायम भएको छ । त्यसैगरी, तेजावी सुन प्रतितोला एक लाख ३९ हजार ९०० रुपैयाँमा कारोबार भइरहेको छ ।
चाँदीको मूल्य १ हजार ८८५ रुपैयाँमा कारोबार भइरहेको छ ।
हिजो सोमबार सुन र चाँदीको भाउ हालसम्मकै उच्च मूल्यमा कारोबार हुँदा सुनको भाउ प्रतितोला १ लाख ४१ हजार ८०० रुपैयाँ र चाँदीको भाउ प्रति तोला १ हजार ९४० रुपैयाँ पुगेको थियो ।
