गोठगाउँः सुन्दरहरैंचामा जारी मेयरकप फुटबल प्रतियोगिता अन्तर्गत आज वडा नम्बर ३ र ६ बीच प्रतिष्पर्धा हुने भएको छ । खेल दिउँसो ४ बजे सुन्दरहरैंचा ७ स्थित पूर्वाञ्चल विश्वविद्यालय पश्चिमतर्फको खेलमैदानमा हुनेछ ।
वडा नम्बर ३ बाइ पाएर पहिलो पटक प्रतिष्पर्धा गर्दैछ । वडा नम्बर ६ ले भने चैत २८ गते वडा नम्बर ८ लाई शून्यका विरुद्ध १ गोल गरी विजयी भएको थियो ।
आजको खेलमा विजयी हुने टिमले बैशाख ४ गते हुने सेमीफाइनलमा वडा नम्बर ११ सँग प्रतिष्पर्धा गर्नेछ । वडा नम्बर ११ ले चैत ३० गतेको खेलमा पेनाल्टी सुटआउटमा वडा नम्बर १० लाई पराजित गरेको थियो ।
