विराटचोकः यस साता लगातार ४ दिन बढेको सुनको मूल्य आज थोरै तल झरेको छ । ४ दिनमा ४ हजार १ सय रुपैयाँ बढेको सुनको भाउ आज तोलामा २ सय रुपैयाँ घटेको छ । सुनको भाउ घटे पनि चाँदीको भाउ भने स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ लाख ३६ हजार ६०० रुपैयाँ कायम भएको छ । तेजावी सुनको मूल्य तोलाको १ लाख ३५ हजार ९५० रुपैयाँ कायम छ ।
यो साता आइतबार, सोमबार, मंगलबार र बुधबार सुनको भाउ क्रमशः प्रतितोला २ हजार ९००, ६००, १०० र ५०० रुपैयाँले बढेको थियो ।
आज चाँदीको भाउ भने स्थिर रहेको छ । आज चाँदीको भाउ प्रतितोला १ हजार ७ सय रुपैयाँ निर्धारण भएको छ ।
