विराटचोकः नझरेका फूलहरूले ४२ औँ शृङ्खलाको पलेँटी साँझमा गायक कृष्णराजा श्रेष्ठलाई निम्त्याउने भएको छ । पलेँटी साँझले नौ वर्ष पार गर्दा ४१ शृङ्खलासम्ममा लगभग २ सय जनलाई सम्मान गरेको शृङ्खलका एक्लो परिकल्पनाकार, व्यवस्थापक तथा प्रस्तोता केपी घिमिरे बताउनुहुन्छ ।
नयाँ वर्षको अवसर पारेर २०८१ साल बैशाख २ गते सुन्दरहरैंचा १० मा रहेको रोजाइ मन्टेश्वरीको प्राङ्गणमा नझरेका फूलहरुको वार्षिकोत्सव, पलेँटी शृङ्खला, नयाँ वर्ष २०८१ को शुभकामना आदानप्रदान, स्रष्टा सम्मान एवम् चियापान समारोह हुने प्रस्तोता घिमिरेले जानकारी दिनुभयो ।
पलेँटी साँझमा गायक कृष्णराजा श्रेष्ठले एक दर्जन बढी विभिन्न भाषाका गीतहरू प्रस्तुत गर्ने र श्रेष्ठलाई “नझरेका फूलहरू स्रष्टा सम्मान –२०८१“ प्रदान गरिने बताइएको छ । कार्यक्रमको प्रमुख अतिथिमा साहित्यकार मनु मञ्जिललाई निम्त्याइने भएको छ ।
