दुलारीः लायन्स क्लब इन्टरनेसनल डिस्ट्रिक ३२५ सीको आयोजनामा सुन्दरहरैंचाको दुलारीमा होली मिलन कार्यक्रम सम्पन्न भएको छ ।
नेपाली कांग्रेसका नेता रमेशजंग रायमाझीको प्रमुख आतिथ्यतामा भएको कार्यक्रममा लायन्स क्लबका विभिन्न पदका पदाधिकारीका साथै विभिन्न राजनीतिक दलका नेताको उपस्थिति थियो ।
कार्यक्रममा नेपाल जेसीजका पूर्व अध्यक्ष भोलेश्वर दुलाल, प्रदेशका पूर्व राज्यमन्त्री राजकुमार ओझा, नेकपा माओवादी केन्द्र सुन्दरहरैंचाका नगर इन्चार्ज नवराज चापागाईँ, नेकपा एमालेका नगर अध्यक्ष मातृकाबाबु ढकाल, नेपाली कांग्रेसका क्षेत्रीय अध्यक्ष देवराज तामाङ, नयाँ वृन्दावन गौशालाका संरक्षक दीनबन्धु शास्त्रीलगायतको उपस्थिति रहेको थियो ।
