काठमाडौंः सिंगटी हाइड्रो इनर्जीले चैत १२ गतेदेखि ४६ लाख ११ हजार ५३९ कित्ता सेयर लिलामीमा बेच्ने भएको छ ।
सो लिलामीमा लगानीकर्ताले न्यूनतम १०० रुपैयाँलाई आधार मानेर न्यूनतम १०० कित्तादेखि अधिकतम सबै कित्ताका लागि आवेदन दिन सकिनेछ । आवेदन दिने अन्तिम म्याद चैत २० गतेसम्म रहेको छ । यसमा बिक्री प्रबन्धकको काम मुक्तिनाथ क्यापिटलले गर्ने भएको छ ।
कम्पनीले फागुन २ गतेदेखि २२ गतेसम्म १ करोड ४५ लाख कित्ता शतप्रतिशत हकप्रद शेयर बिक्री खुला गरेको थियो । सो अवधिमा बिक्री नभएको शेयर कम्पनीले लिलामीमा ल्याउन लागेको हो ।
