- बेलबारीः बेलबारी साहित्य विकास समितिले साहित्यकार केशु विरही र कलाकार गणेश लामा ‘आँशु’ लाई पुरस्कृत गरेको छ । २५ हजार पुरस्कार राशीको बेलबारी साहित्य पुरस्कारबाट विरही र १५ हजार राशीको बेलबारी कला पुरस्कारबाट कलाकार लामा पुरस्कृत भएका हुन् ।
बेलबारी साहित्य विकास समितिको छैटौं वार्षिकोत्सवको अवसरमा उनीहरु सम्मानित भएका हुन् । विरही पछिल्लो समय अनुसन्धानमूलक लेखनमा क्रियाशील छन् । लामा विगत लामो समयदेखि ललितकलाका क्षेत्रमा सक्रिय छन् ।
यसअघि बेलबारी साहित्य सम्मानबाट रमेश लामा, हर्कमान तामाङ र इरान राई सम्मानित भएका छन् भने बेलबारी कला सम्मानबाट श्याम गौतम, शिव छाङ्छा राई र मेघबहादुर कार्की सम्मानित भएका छन् ।
त्यसैगरी स्कुले बालबालिकालाई भाषा–साहित्यतर्फ प्रोत्साहित गर्न आयोजना गरिएको ‘बालकविता तारा’ मा वीरेन्द्र मावि, बेलबारी–६ की छात्रा भावना तामाङ ५ हजार नगदसहित पुरस्कृत भएकी छिन् ।
प्रतियोगितामा उत्कृष्ट बालकविहरूलाई सम्मान गरिएको थियो ।
