विराटचोकः राष्ट्रिय निजी तथा आवासीय विद्यालय (एन प्याब्सन) सुन्दरहरैंचाको आयोजनामा भएको लोकनृत्य प्रतियोगितामा हिमालय अङ्ग्रेजी स्कुल र विराट एकेडेमी पहिलो भएका छन् । शुक्रबार भएको प्रतियोगितामा जुनियर तर्फ विराट एकेडेमी र सिनियर तर्फ हिमालय अङ्ग्रेजी स्कुल पहिलो भएका हुन् ।
सिनियरतर्फ दोस्रो सनसाइन एकेडेमी र तेस्रो रेस्नल चिल्ड्रेन होम केयर भएका छन् । जुनियर तर्फ ब्लु वेल चिल्ड्रेन दोस्रो र हिमालय अङ्ग्रेजी स्कुल तेस्रो भएका छन् । विजयी विद्यालयलाई शिल्ड, मेडल र प्रमाणपत्र प्रदान गरिएको थियो ।
एन प्याब्सन नगर अध्यक्ष सुरेश खवासको अध्यक्षता तथा सुन्दरहरैंचाका नगरप्रमुख केदारप्रसाद गुरागाईंको प्रमुख आतिथ्यतामा प्रतियोगिता भएको थियो ।
