काठमाडौं । नेपाल प्रिमियर लिग (एनपीएल) मा सुदूरपश्चिम रोयल्सले लुम्बिनी लायन्सलाई ८८ रनको लक्ष्य दिएको छ ।
तेस्रो संस्करणअन्तर्गतको उद्घाटन खेलमा सुदूरपश्चिमले १७.२ ओभरमा ८७ रन मात्रै जोडेको हो ।
लुम्बिनीका लागि किशोरी महतोले चार, शेर मल्लले तीन, शाड्ली भानले एक, तिलकराज भण्डारी र रोहितकुमार पौडेलले एक विकेट लिएका थिए ।
सुदूरपश्चिमका लागि कप्तान दिपेन्द्रसिंह ऐरीले सर्वाधिक २७ रन जोडे । उनले २३ बलको सामना गरेका थिए ।
कप्तान ऐरीपछि शैफ अली जैबले १४ बलमा १३ रन जोडेका थिए । अन्य खेलाडीले दोहोरो अंक जोड्न सकेनन् ।
सुदूरपश्चिमको पहिलो विकेटको रुपमा चौथो ओभरको पहिलो बलमा विनोद भण्डारीलाई लुम्बिनीका शेरले एलबी डब्लुको धरापमा पारे । विनोद ९ रनमा आउट हुँदा आरिफ शेख कुनै पनि रन नजोडी आउट भएका थिए ।
२४ रन जोड्दा पहिलो विकेट गुमाएको सुदूरपश्चिमले ३४ रन पुर्याउँदा ४ विकेट गुमाउन पुगेको थियो । सैफ जैव १३, ब्रान्डन म्याकमुलेन २ र इशान पाण्डे ७ रनमा आउट भएका थिए ।
शेर्फन रदरफोर्ड एक तथा स्कुट कुइगेलेइन र हेमन्त धामी कुनै पनि रन नजोडी आउट भएका थिए । अनिल खरेल ७ रनमा आउट हुँद अभिनास बोहरा अविजित रहेका थिए ।
आजदेखि शुरु प्रतियोगिताको उद्घाटन प्रधानमन्त्री बालेन्द्र शाहले गरेका थिए ।
