काठमाडौंः सिद्धार्थ बैंक नेपाल प्रिमियर लिग (एनपिएल)को उद्घाटन खेलको पहिलो ओभरमै डिसिजन रिभ्यू सिस्टम (डिआरएस) को प्रयोग भएको छ ।
तेस्रो संस्करणसम्म आइपुग्दा पहिलो पटक डिआरएस प्रयोग भएको हो । यसअघिका संस्करणमा डिआरएस प्रयोग भएको थिएन । आयोजक नेपाल क्रिकेट संघले तेस्रो संस्करणदेखि सो प्रविधि प्रयोग गर्ने जनाएको थियो ।
तेस्रो संस्करणको उद्घाटन खेलमा लुम्बिनी लायन्स र सुदूरपश्चिम रोयल्सबीचको खेलको दोस्रो ओभरमै डिआरएस प्रयोग भएको हो ।
दोस्रो ओभरको अन्तिम बलमा लुम्बिनीका शेर मल्लले सुदूरपश्चिमका सइम जइबविरूद्ध एलबिडब्ल्यू अपिल गरेका थिए ।
रेफ्री बुद्धिबहादुर प्रधानले आउट नदिएपछि उनले रिभ्यू मागेका थिए ।
डिआरएसबाट हेर्दा आउट नदिएपछि सुरूवाती निर्णय नै सदर भएको थियो ।
डिआरएसमा एलबी डब्लूको निर्णय पुनरावलोकन गर्न थ्रीडी बल ट्र्याकिङ प्रविधि प्रयोग भएको छ ।
ब्याटमा बल लागेको वा नलागेको जाँच्न आर्टिफिसियल इन्टेलिजेन्समा आधारित एज डिटेक्सन तथा ध्वनि विश्लेषण प्रविधि पनि प्रयोग हुने बताइएको छ ।
सो प्रविधिको प्रयोग रनआउट, स्टम्पिङ, फ्रन्टफुट नोबल, उचाइका आधारमा वाइडको निर्णय तथा छक्काको दूरी र उचाइ मापन गर्न प्रयोग हुन्छ ।
प्रत्येक टोलीले एक इनिङ्समा दुईवटा असफल रिभ्यु लिन पाउने व्यवस्था छ ।
