खोर्सानेः मोरङको सुन्दरहरैंचा–१० खोर्सानेमा रहेको हातेमालो बहुउद्देश्यीय सहकारी संस्थाको रजत जयन्तीको अवसरमा आयोजित सप्ताहव्यापी कार्यक्रमअन्तर्गत हिजो भएको चेस प्रतियोगितामा गंगा ढकाल पहिलो हुनुभएको छ ।
संस्थाको सभाहलमा भएको प्रतियोगितामा लक्ष्मीकुमार श्रेष्ठ दोस्रो र अशोक राई तेस्रो हुनुभएको छ । प्रतियोगितामा दियोग ढकालले ‘ब्लुमिङ प्लेयर’को उपाधि प्राप्त गरेको संस्थाका अध्यक्ष हेमराज सुवेदीले जानकारी दिनुभयो ।
८ टिमको सहभागिता रहेको प्रतियोगिता नकआउट चरणमा सञ्चालन गरिएको थियो । प्रतियोगिताको आर्विटर विराट चेस क्लबका उपाध्यक्ष खगेन्द्र थापा रहनुभएको थियो ।
सहकारी संस्थाले रजत जयन्तीको अवसरमा साताव्यापी कार्यक्रम आयोजना गरिरहेको छ । जसअन्तर्गत पहिलो दिन आइतबार आँखा शिविर भएको थियो । आज अन्तरक्रिया तथा खेलकुद प्रतियोगिता हुने संस्थाकी व्यवस्थापक योजना शर्माले जानकारी दिनुभयो ।
