विराटचोकः साताको अन्तिम कारोबार दिन आज नेप्से परिसूचक २२.८५ अंक बढेर २६४७.२२ बिन्दुमा अडिएको छ ।
कारोबार रकम पनि बढेको छ । बिहीबार ५ अर्ब ४९ करोड रुपैयाँको शेयर खरिदबिक्री भएको बजारमा आज ३४५ स्टकको ६४ हजार ७२ पटकको कारोबारमा २ करोड १२ लाख ७२ हजार ७६१ कित्ता शेयर ६ अर्ब ७४ करोड ५६ लाख ३१ हजार ६०७ रुपैयाँको किनबेच भएको हो ।
बढेको बजारमा स्नो रिभर्स लिमिटेडको शेयरमूल्य सर्वाधिक अर्थात् १३.६६ प्रतिशत बढेको छ । हाथवे इन्भेष्टमेन्टको शेयरमूल्य आज सर्वाधिक अर्थात् १५ प्रतिशत घटेको छ ।
कारोबार रकमका आधारमा आज कुमारी बैंक शीर्ष स्थानमा रहेको छ । सो बैंकको ३२ करोड १३ लाख ८१ हजार २५ रुपैयाँको शेयर किनबेच भएको छ । लक्ष्मी सनराइज बैंक, ग्लोबल आइएमई बैंक, लिबर्टी इनर्जी र सिद्धार्थ बैंक उच्च कारोबार गर्ने अन्य कम्पनीमा परेका छन् ।
१३ उपसमूहमध्ये ११ उपसमूहको परिसूचक बढेको छ । बैंकिङ्ग उपसमूहको परिसूचक सर्वाधिक १.५९ प्रतिशत बढेको छ । वित्त र अन्य उपसमूहको परिसूचक सामान्य घटेको छ ।
बजार बढेसँगै समग्र बजार पूँजीकरण ४५ खर्ब ५३ अर्ब ५५ करोड ९४ लाख ४७ हजार ५२० रुपैयाँ कायम भएको छ ।
