विराटचोकः आज नेपाली शेयर बजार सूचक नेप्से (नेपाल स्टक एक्सचेञ्ज) दोहोरो अंक (११.९३ अंक) ले बढेर २६२४.३६ विन्दुमा अडिएको छ । सूचक बढेको बजारमा कारोबार रकम पनि बढेको छ ।
नेप्सेमा सूचीकृत ३३९ कम्पनीको १ करोड ३६ लाख १० हजार ४९६ कित्ता शेयर ५१ हजार ७२८ पटक किनबेच हुँदा ५ अर्ब ४९ करोड ९३ लाख १६ हजार ६४३ रुपैयाँको शेयर कारोबार भएको छ ।
सूचक बढेको बजारमा ११ समूहमा हरियाली छाएको छ भने २ समूहमा रातो रङ पोतिएको छ । सर्वाधिक बढ्नेमा जीवन बीमा समूह रहेको छ । यो समूह आज १.०८ प्रतिशतले बढेको छ ।
लगानी समूह ०.१८ प्रतिशत र अन्य समूह ०.०४ प्रतिशतले घटेका छन् ।
आज सर्वाधिक कमाउने कम्पनीमा धौलागिरी लघुवित्त रहेको छ । यो कम्पनीको शेयरभाउ १२.४३ प्रतिशत बढेको छ ।
सर्वाधिक गुमाउने कम्पनीमा भने हाथवे इन्भेष्टमेन्ट कम्पनी रहेको छ । यो कम्पनीको सेयरभाउ २.९७ प्रतिशत घटेको छ ।
बजार बढेसँगै समग्र बजार पूँजीकरण ४५ खर्ब १७ अर्ब २६ करोड ७८ लाख ८८ हजार ९३८ रुपैयाँ कायम भएको छ ।
