विराटचोकः सरकारले शेयर कारोबारबाट हुने नाफामा लाग्दै आएको पूँजीगत लाभकर घटाउने निर्णय गरेको छ ।
आज बसेको मन्त्रिपरिषद् बैठकले अर्थमन्त्री डा. स्वर्णिम वाग्लेले सोमबार अघि सारेको पूँजीगत लाभकर घटाउने प्रस्ताव पारित गरेको हो । सरकारको निर्णयअनुसार अब अल्पकालीन लगानीकर्ताले ३.७५ प्रतिशत र दीर्घकालीन लगानीकर्ताले ५ प्रतिशत पूँजीगत लाभकर तिर्नुपर्नेछ ।
सोमबार पूँजीगत लाभकरसम्बन्धी सूचना राजपत्रमा प्रकाशित गरेपछि नयाँ करको दर औपचारिक रूपमा कार्यान्वयनमा आउने जनाइएको छ ।
यसअघि व्यक्तिगत लगानीकर्ताले एक वर्षभित्र बिक्री गरेको शेयरबाट प्राप्त नाफामा ७.५ प्रतिशत र एक वर्षभन्दा बढी समय राखेर बिक्री गर्दा प्राप्त नाफामा ५ प्रतिशत पूँजीगत लाभकर तिर्दै आएका थिए ।
