विराटचोकः पछिल्ला तीन कारोबार दिनदेखि बढिरहेको नेप्से आज भने दोहोरो अंकले घट्दा सबै सूचक राताम्य भएका छन् ।
आज नेप्से परिसूचक २१.१९ अंक घटेर २६१२.४२ विन्दुमा झरेको छ । नेप्सेसँगै यस दिन कारोबार रकम पनि घटेको छ । हिजो ८ अर्ब २९ करोड रुपैयाँको शेयर खरिदबिक्री भएको बजारमा आज ३५० स्टकको ५५ हजार ८३१ पटकको कारोबारमा ५ अर्ब ३८ करोड ९५ लाख ७४ हजार रुपैयाँको १ करोड ५१ लाख १ हजार ५४३ कित्ता शेयर किनबेच भएको छ ।
घटेको बजारमा नारायणी डेभलपमेन्ट बैंकको शेयरमूल्य सर्वाधिक ६.३७ प्रतिशत बढेको छ । हिमाल दोलखा हाइड्रोपावर कम्पनीको शेयरमूल्य करिब साढे ५ प्रतिशत बढेको छ । कारोबारमा आएको एनएमबी हाइब्रिड फण्ड एल २ को इकाईमूल्य सर्वाधिक ७.७३ प्रतिशत घटेको छ ।
आज हिमाल दोलखा हाइड्रोपावरको सर्वाधिक ३७ करोड ९५ लाख ६४ हजार २१३ रुपैयाँको शेयर किनबेच भएको छ ।
बजार घटेसँगै समग्र बजार पूँजीकरण ४४ खर्ब ९६ अर्ब ७२ करोड २८ लाख ५२ हजार २३२ रुपैयाँ कायम भएको छ ।
