चरित्र हत्या गरेको आरोपमा प्रहरीले पक्राउ गर्याे अभियन्ता वेदिका केसीलाई

काठमाडौंः व्यक्तिको चरित्र हत्या गरेको आरोपमा प्रहरीले धार्मिक अभियन्ता वेदिका केसीलाई पक्राउ गरेको छ ।

आज बिहान काठमाडौंको जोरपाटीबाट साइबर ब्युरोले पक्राउ गरेको जनाइएको छ ।

ब्युरोका अनुसार राधिका दासीको चरित्र हत्या गरेको जाहेरी परेपछि अनुसन्धानका लागि केसीलाई पक्राउ गरिएको हो ।

केसी धर्म, आस्था र परम्पराका गलत तथ्य वा विषयका सम्बन्धमा सामाजिक सञ्जालमा अभिव्यक्ति दिन्थिन् ।

केसीविरुद्ध काठमाडौं जिल्ला अदालतले साइबर कसुरमा १ दिनको म्याद थपेको जनाइएको छ ।