बेलबारीः बाल गायक प्रज्ज्वल पौडेलको नयाँ गीत ‘नेपाली भाका’ सार्वजनिक गरिएको छ । अलङ्कार कला केन्द्र बेलबारीको आयोजनामा सांस्कृतिक भवनको सभाहलमा सो गीत सार्वजनिक गरिएको हो ।
समारोहका प्रमुख अतिथि बेलबारी–३ का वडाध्यक्ष योगेन्द्रप्रसाद सुवेदीसहित सम्पूर्ण अतिथिले नयाँ गीतको अडियो ÷ भिडियो प्ले गरेर गीत सार्वजनिक गरिएको थियो भने बाल गायक पौडेलले आफ्नो नयाँ गीत गाएर सुनाएका थिए ।
गीत सार्वजनिक कार्यक्रमका विशिष्ट अतिथिमा सुन्दरहरैँचा कला साहित्य विकास समितिका अध्यक्ष तथा साहित्यकार छवि वैरागी घिमिरे रहेका थिए । अतिथिहरूमा नझरेका फूलहरूका प्रस्तोता केपी घिमिरे, गायक तथा सङ्गीतकार कृष्णभक्त राई, सङ्गीतकार भीम बस्नेत, वाद्यवादक तथा गायक मेखराज कार्की, महिला नेत्री सीता सुवेदीलगायत थिए ।
