विराटचोकः आजदेखि लागू हुने गरी नेपाल आयल निगमले इन्धनको नयाँ मूल्य निर्धारण गरेको छ । जसअनुसार खाना पकाउने एलपी ग्यास र हवाइ इन्धनको मूल्य बढेको छ भने पेट्रोल, डिजेल र मट्टीतेलको मूल्य घटेको छ ।
निगमका अनुसार पेट्रोलमा प्रतिलिटर २ रुपैयाँ र डिजेल–मट्टीतेलमा १२ रुपैयाँले मूल्य घटाइएको छ ।
खाना पकाउने एलपी ग्यास र हवाई इन्धनको मूल्य भने बढाइएको छ । आन्तरिक हवाई इन्धनमा प्रतिलिटर ७ रुपैयाँले वृद्धि गरिएको छ भने अन्तर्राष्ट्रिय उडानका लागि काठमाडौँमा प्रति किलोलिटर ४६ अमेरिकी डलरले मूल्य बढाइएको छ ।
एलपी ग्यासमा प्रति सिलिन्डर १५० रुपैयाँले वृद्धि भएको छ ।
