सुकुना माविका विद्यार्थी युगान्सु रिजाल सिक्किममा भएको नवप्रवर्तन प्रदर्शनीमा सर्वोत्कृष्ट

विराटचोकः सुकुना माध्यमिक विद्यालयमा कक्षा ११ मा विज्ञान संकायमा अध्ययनरत विद्यार्थी युगान्सु रिजालले भारतको सिक्किममा आयोजित विज्ञान तथा नवप्रवर्तन प्रदर्शनीमा सर्वोत्कृष्ट पुरस्कार जित्नुभएको छ ।

सिक्किम सरकारको विज्ञान विभागको संयोजनमा सम्पन्न प्रदर्शनीमा विद्यालयका तर्फबाट ‘सुकुना रोबोट’, ‘क्युब स्याटेलाइट’, ‘भोकल ग्लोब्स’ र ‘स्मार्ट हाईटेन्सन लाइन’ लगायत चारवटा परियोजना प्रस्तुत गरिएको थियो । ती परियोजनासहित चार जना विद्यार्थी सहभागी भएका थिए ।