काठमाडौंः सरकारले संघीय मन्त्रिपरिषद्को मर्यादाक्रम हेरफेर गरेको छ । योसँगै यसअघि तेस्रो नम्बरमा रहेका सुधन गुरुङ पाँचौँ नम्बरमा पुगेका छन् ।
प्रधानमन्त्री बालेन्द्र शाहपछिको वरियतामा अर्थमन्त्री स्वर्णिम वाग्ले यथावत छन् । तेस्रो वरियतामा परराष्ट्रमन्त्री शिशिर खनाल रहेका छन् । चौथौमा उर्जा, जलस्रोत तथा सिंचाईमन्त्री विराजभक्त श्रेष्ठ रहेका छन् । पाँचौँ वरियतामा गृहमन्त्री सुधन गुरुङ रहेका छन् ।
छैटौँ वरियतामा भौतिक पूर्वाधार तथा यातायात; सहरी विकासमन्त्री सुनिल लम्साल रहेका छन् । साताँै वरियतामा कानुन, न्याय तथा संसदीय मामिलामन्त्री सोविता गौतम रहेकी छिन् ।
आठौँ वरियतामा महिला, बालबालिका तथा ज्येष्ठ नागरिकमन्त्री सीता बादी, नवौँ वरियतामा संघीय मामिला तथा सामान्य प्रशासन, भूमि व्यवस्था, सहकारी तथा गरिबी निवारणमन्त्री प्रतिभा रावल, दशौँ वरियतामा स्वास्थ्य तथा जनसंख्या, खानेपानीमन्त्री निशा मेहता, एघारौँ वरियतामा शिक्षा, विज्ञान तथा प्रविधि, युवा तथा खेलकुदमन्त्री सस्मित पोखरेल रहेका छन् । बारौँ वरियतामा संस्कृति, पर्यटन तथा नागरिक उड्डयनमन्त्री खड्कराज पौडेल तेह्रौँ वरियतामा सञ्चार तथा सूचना प्रविधिमन्त्री डा. विक्रम तिमिल्सिना, चौधौँ वरियतामा कृषि तथा पशुपन्छी विकास; वन तथा वातावरणमन्त्री गीता चौधरी र अन्तिम नम्बरमा श्रम, रोजगार तथा सामाजिक सुरक्षामन्त्री दीपककुमार साह रहेका छन् ।
