धरानः श्रम संस्कृति पार्टीका अध्यक्ष हर्क साम्पाङले दार्चुला पुगेर पुलको शिलान्यास गरेका छन् । उनले ब्यास गाउँपालिका–२ स्थित दुम्लिङमा रहेको घट्टेखोलामा झोलुङ्गे पुलको शिलान्यास गरेका हुन् । नेपाल–भारत सीमा नदी महाकालीमा पुल निर्माणको गर्ने भनी गएका उनले महाकालीको सहायक नदी घट्टे खोलामा पुलको शिलान्यास गरेका हुन् । त्यहाँ रहेको काठे पुललाई हटाएर झोलुङ्गे पुल बनाइने भएको हो ।
उनले आफूले पार्टी विस्तारका लागि नभई दार्चुलाबासीलाई राहत दिन पुल निर्माण गर्न लागेको बताएका थिए ।
महाकाली नदीमा रहेको तुइन विस्थापित गर्ने योजनाका साथ उनी संसद बैठक पनि छोडेर पश्चिमी सिमाना पुगेका थिए ।
