काठमाडौंः प्रहरीले काठमाडौंको ठमेलबाट २० जना विदेशी महिलालाई पक्राउ गरेको छ ।
युगाण्डाका बासिन्दा उनीहरूले ठमेल क्षेत्रमा अनैतिक क्रियाकलाप तथा अभद्र व्यवहार गरेको उजुरीका आधारमा पक्राउ गरिएको प्रहरीले जनाएको छ । ती महिलाहरूलाई काठमाडौं महानगरपालिका–२६ फायरचोकस्थित सडकखण्डबाट पक्राउ गरिएको हो ।
प्रहरीका अनुसार बाटो हिंड्ने विदेशी तथा स्वदेशी पर्यटक र सर्वसाधरण पुरुषहरूलाई अनावश्यक रुपमा बाटो छेकी अश्लील क्रियाकलाप सम्बन्धी मोलमोलाइ गरी दुःख दिइरहेको अवस्थामा फेला पारी नियन्त्रणमा लिइएको प्रहरीले जनाएको छ ।
उनीहरूलाई जिल्ला प्रशासन कार्यालय, काठमाडौंबाट १२ दिनको म्याद थप अनुमति लिई आवश्यक अनुसन्धान भइरहेको प्रहरीले जनाएको छ ।
पक्राउ परेकाहरू २३ देखि ४५ वर्षको बीचको उमेरका महिला रहेको प्रहरीले जनाएको छ ।
