विराटचोकः राष्ट्रिय प्रजातन्त्र पार्टी (राप्रपा)ले ज्ञानबहादुर शाहीलाई संसदीय दलको नेता बनाउने निर्णय गरेको छ । शाही गत निर्वाचनमा राप्रपाबाट प्रत्यक्षतर्फ विजयी हुने एक मात्र सांसद हुनुहुन्छ ।
बिहीबार पार्टी केन्द्रीय कार्यालयमा बसेको संसदीय दलको बैठकले शाहीलाई संसदीय दलको नेता बनाउने निर्णय गरेको हो ।
बैठकले प्रमुख सचेतकको जिम्मेवारी खुश्बु ओलीलाई दिने भएको छ । ओली समानुपातिकतर्फबाट प्रतिनिधिसभा सदस्यमा चयन हुनुभएको हो ।
पार्टी अध्यक्ष राजेन्द्र लिङ्देनको उपस्थितिमा बैठक बसेको पार्टीले जनाएको छ ।
