विराटचोकः आज बसेको नेकपा एमालेको सचिवालय बैठकले प्रतिनिधिसभातर्फ समानुपातिक सांसदको नाम टुङ्ग्याएको छ ।
जनजातिबाट महिलामा भूमिका सुब्बा र गंगादेवी श्रेष्ठ तथा पुरुषतर्फ रामबहादुर थापा मगर र कुलभक्त शाक्यको नाम निश्चित भएको छ ।
खसआर्यबाट महिलामा पद्मा अर्याल, टुकाभद्रा हमाल, एशुदाकुमारी बराल (पिछडिएको क्षेत्र) तथा खसआर्य पुरुषमा गुरुप्रसाद बराल र पुष्पराज कँडेलको नाम टुंगो लागेको छ । थारुबाट कृपाराम राणा, दलितबाट विष्णुमाया विक र नीता घतानी चयन भएका छन् ।
त्यस्तै, मधेसी क्लस्टरबाट रिङ्ला यादव, यशोधाकुमारी यादव र चन्द्रेश्वर मण्डल तथा मुस्लिम क्लस्टरबाट साजिदा सिद्दीकी चयन भएकी छिन् ।
