भैरहवाः आज बिहान भैरहवामा भेटिएको शंकास्पद वस्तु डिस्पोजका क्रममा बियरको बोतलभित्र माटो भरेर राखेको पाइएको छ ।
आज नेकपा बहुमतले आह्वान गरेको नेपाल बन्दको क्रममा लुम्बिनी गेट नजिकै सो वस्तु फेला परेको थियो । बोराभित्र राखिएको र बाहिर कागजमा नेपाल बन्द सफल पारौं लेखेको शंकास्पद वस्तु देखिएपछि केही समय उक्त सडक खण्डमा सवारी आवागमन बन्द भएको थियो ।
नेपाली सेनाको टोली आएर डिस्पोज गर्दा क्यान बियरको बोतलभित्र माटो र ढुङ्गा राखेर सर्वसाधारणलाई तर्साउन खोजिएको पाइएको प्रहरीले बताएको छ ।
फागुन २१ को चुनाव बहिष्कारको आह्वान गर्दै सो पार्टीले नेपाल बन्दको आह्वान गरेको हो ।
