हेटौंडाः मकवानपुरको हेटौंडा उपमहानगरपालिका–१६ चिसापानीमा भेटिएको शंकास्पद वस्तु डिस्पोज गर्दा प्लास्टिक फेला परेको छ ।
आज बिहान सवा ५ बजे अस्थायी प्रहरी पोस्ट हटिया मकवानपुरबाट खटिएको मोटरसाइकल गस्ती टोलीले चिसापानीस्थित हेटौंडा–धरान खण्डको बीच सडकमा सेतो कपडाले बेरिएको र बाहिर खतरा लेखिएको शंकास्पद वस्तु फेला पारेको थियो ।
जिल्ला प्रहरी कार्यालय मकवानपुरका अनुसार बीच सडकमा शंकास्पद वस्तु भेटिएपछि डिस्पोजका लागि सेनाको टोली बोलाइएको थियो ।
बिहान सवा ८ बजे उक्त वस्तु डिस्पोज गर्दा कार्टुनमा प्लास्टिक मात्रै भेटिएको र सो वस्तु राख्नेको खोजी भइरहेको प्रहरीले जनाएको छ ।
