विराटनगरः कोशी प्रदेश सरकारको स्वास्थ्य मन्त्रालयले नसर्ने रोग तथा मानसिक स्वास्थ्य साक्षरता अभियान २०८२ को औपचारिक शुभारम्भ गरेको छ ।
विराटनगरमा आयोजित कार्यक्रममा स्वस्थ्यमन्त्री लिम्बूले नसर्ने रोग र मानसिक स्वास्थ्य समस्याबारे जनचेतना अभिवृद्धि गर्नु आजको आवश्यकता भएको बताउनुभयो । उहाँले जीवनशैलीमा सुधार, नियमित स्वास्थ्य परीक्षण र मानसिक स्वास्थ्यलाई प्राथमिकतामा राख्न सबै नागरिकलाई आग्रह गर्नुभयो ।
‘मेरो स्वास्थ्य, मेरो जिम्मेवारी’ भन्ने नारासहित शुरु गरिएको अभियानले समुदायस्तरमै सचेतना फैलाउने लक्ष्य लिएको छ । स्वास्थ्य मन्त्रालय कोशी प्रदेशको आयोजनामा शुरु गरिएको यो अभियानले आगामी दिनमा प्रदेशका विभिन्न जिल्लामा कार्यक्रम सञ्चालन गर्दै नसर्ने रोग तथा मानसिक स्वास्थ्यसम्बन्धी सन्देश आम नागरिकसम्म पुर्याउने जनाइएको छ
