काठमाडौंः निर्वाचन आयोगले समानुपातिकको बन्दसूचीबाट ७६ जना उम्मेद्वारको नाम हटाएको आयोगका प्रवक्ता नारायणप्रसाद भट्टराईले जानकारी दिनुभएको छ ।
उम्मेद्वारविरुद्ध परेका उजुरी, उनीहरूको योग्यता र विभिन्न दलबाट आएका जानकारीसमेतलाई आधार बनाएर ७६ जनाको नाम बन्दसूचीबाट हटाएको बताइएको छ ।
कर्जा सूचना केन्द्रको कालो सूचीमा रहेका २१ जनाको नाम हटाइएको छ । प्रदेश सभाको बन्दसूचीतर्फ नाम कायम भएका २५ जना, आयोगको जरिवाना भुक्तान नगरेका १० जना, २५ वर्ष उमेर नपुगेका ४ जना, मतदाता नामावलीमा समावेश नभएका १ जना, मतदाता नामावली पिछडिएको क्षेत्रमा नरहेका २ जना, महिलाको ठाउँमा पुरुष उम्मेद्वारको रुपमा पेश भएका १ जना, राजनीतिक दलबाट नाम हटाउन अनुरोध भएका १० जना र अन्य कारणबाट २ जनाको नाम हटाइएको आयोगले जनाएको छ ।
