सौंठाः कश्यपगोत्रीय अधिकारी वंश प्रतिष्ठान रतुवमाई नगर समितिको शनिबार भएको प्रथम साधारणसभाले बुद्धिबहादुर अधिकारीको अध्यक्षतामा ९ सदस्यीय कार्यसमिति चयन गरेको छ ।
त्यस्तै, कार्यसमितिको उपाध्यक्षमा धनबहादुर अधिकारी, सचिवमा इन्द्रलाल अधिकारी, सहसचिवमा मनमाया अधिकारी र कोषाध्यक्षमा मोहन अधिकारीलाई साधारणसभाले सर्वसम्मत चयन गरेको छ ।
सदस्यहरुमा नरेश अधिकारी, टेकबहादुर अधिकारी, देवीप्रसाद अधिकारी र लक्ष्मण अधिकारी चयन हुनुभएको छ ।
साधारणसभाका प्रमुख अतिथि प्रतिष्ठानका मोरङ जिल्ला अध्यक्ष गुरुप्रसाद अधिकारीले कार्यसमितिका पदाधिकारीलाई शपथ ग्रहण गराउनुभएको थियो ।
साधारणसभामा प्रमुख अतिथि अधिकारीका साथै सुन्दरहरैंचा नगर समिति अध्यक्ष यादव अधिकारीले शुभकामना मन्तव्य राख्नुभएको थियो ।
कार्यक्रममा प्रतिष्ठानको मोरङ जिल्ला समिति सचिव खेमचन्द्र अधिकारी, सह सचिव लावण्य अधिकारी, सदस्यहरु खगेन्द्र अधिकारी, यादव अधिकारी, रमेशचन्द्र अधिकारीलगायतको उपस्थिति थियो ।
सम्बन्धित समाचारः
कश्यपगोत्रीय अधिकारी वंश प्रतिष्ठान लेटाङको अध्यक्षमा श्रीनिवास अधिकारी
