विराटचोकः आज नेपाली शेयर बजार मापक नेपाल स्टक एक्सचेञ्च(नेप्से) परिसूचक ०.३९ प्रतिशत अर्थात् १०.२९ अंकले घटेर २ हजार ६१०.६३ अंकमा रोकिएको छ ।
नेप्सेमा सूचीकृतमध्ये ३२३ वटा कम्पनीको १ करोड २ लाख ७४ हजार १२६ कित्ता शेयर ७९ हजार ७०२ पटक किनबेच हुँदा ५ अर्ब १ करोड ७५ लाख ८७ हजार २९४ रुपैयाँको शेयर कारोबार भएको छ ।
नेप्सेमा सूचीकृत १३ वटा समूहमध्ये उत्पादन तथा प्रशोधन समूह १.०४ प्रतिशत, होटल ०.६२ र व्यापार ०.३४ प्रतिशतले बढेका छन् । बाँकी समूहको सूचकमा रातो पोतिएको छ । आज अन्य समूह सर्वाधिक अर्थात् १.६९ प्रतिशतले घटेको छ ।
घटेको बजारमा आज एसवाईपी प्यानलको सर्वाधिक ३० करोड ६५ लाख ८५ हजार ७६ रुपैयाँको शेयर कारोबार भएको छ । श्रीनगर एग्रीटकेको २२ करोड ८८ लाख, बन्दीपुर केवलकारको २२ करोड १३ लाख, एनआईसी एशिया बैंकको २१ करोड ९४ लाख र सागर डिस्टिलरीको १८ करोड ९२ लाख रुपैयाँको शेयर कारोबार भएको छ
घटेको बजारमा आज विन नेपाल लघुवित्त र श्रीनगर एग्रीटेकको शेयरमूल्य १० प्रतिशतले बढेको छ । सान्भी इनर्जी, सागर डिस्टिलरी र युनाइटेड इदी मर्दी उच्च मूल्य बढ्ने अन्य कम्पनीमा परेका छन् ।
आज न्यादी हाईड्रोको शेयरमूल्य सर्वाधिक अर्थात् ४.३२ प्रतिशत र नेपाल हाईड्रो डेभलपर्सको शेयरमूल्य ४.३१ प्रतिशत घट्दा सीवाईसी नेपाल लघुवित्तको शेयरमूल्य ४.२१ प्रतिशतले घटेको छ । नेपाल टेलिकमको शेयरमूल्य ४.०९ प्रतिशत र सूर्यज्योति लाइफ इन्स्योरेन्सको शेयरमूल्य ४.०४ प्रतिशत घटेको छ ।
बजार घटेसँगै समग्र बजार पूँजीकरण ४३ खर्ब ८३ अर्ब ३१ करोड ६३ लाख २२ हजार ६०१ रुपैयाँ कायम भएको छ ।
