सुन्दरहरैंचाः मंगलबार नेपाली शेयरबजार ३०.०५ अंकले घटेर २ हजार ३०.१० को विन्दुमा बन्द भएको छ ।
नेप्सेमा सूचीकृतमध्ये ३०५ वटा कम्पनीका १ करोड ११ लाख ८५ हजार ७१२ कित्ता शेयर ८५ हजार ४ सय ३५ पटक किनबेच हुँदा ४ अर्ब ४ करोड ४६ लाख ५९ हजार ९२२ रुपैयाँको शेयर कारोबार भएको छ ।
बजार घटे पनि चिरख्वा हाइड्रोपावर, मुक्तिनाथ कृषि कम्पनी, नेपाल वेयरहाउजिङ कम्पनी र लक्ष्मी लघुवित्त वित्तीय संस्थाको शेयरभाउ १० प्रतिशतले बढेको छ ।
हिमालयन हाइड्रोपावर कम्पनीको शेयरमूल्य १० प्रतिशतले घटेको छ ।
बजार घटेसँगै समग्र बजार पूँजीकरण ३१ खर्ब ५२ अर्ब ६१ करोड १० लाख २८ हजार ६२५ रुपैयाँ कायम भएको छ ।
