सुन्दरहरैंचाः नेपाल स्टक एक्सचेन्जमा जीवन विकास लघुवित्त, कालिका पावर कम्पनी लिमिटेड र युनिभर्सल पावर कम्पनी लिमिटेडको बोनस शेयरमा मूल्य समायोजन भएको छ ।
जीवन विकास लघुवित्तको १४ प्रतिशत बोनस शेयरमा मूल्य समायोजन भएर १ हजार ३२२ रुपैयाँ २ पैसा कायम भएको छ ।
कालिका पावरको १० प्रतिशत बोनस शेयरमा भाउ समायोजनपछि मूल्य ३ सय ३४ रुपैयाँ ५५ पैसा कायम भएको छ ।
युनिभर्सल पावरको ८ दशमलव ५५ प्रतिशत बोनस शेयरमा मूल्य समायोजन भई २०१ रुपैयाँ ७५ पैसा कायम भएको छ ।
साधारण सभाका लागि बुधबार बुक क्लोज हुने भएकाले बुधबारदेखिको कारोबारका लागि नेप्सेले मूल्य समायोजन गरेको हो ।
