विराटचोकः आज नेपाली बजारमा चाँदीको मूल्यले नयाँ रेकर्ड बनाएको छ । आज चाँदी तोलामा १७० रुपैयाँले बढेर नयाँ रेकर्ड बनाएको हो । सुनको भाउ प्रतितोला ७०० रुपैयाँले बढे पनि उच्च मूल्यको रेकर्डभन्दा तलै छ ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ५९ हजार ७०० रुपैयाँ कायम भएको छ । आज चाँदी प्रतितोला ४ हजार ५५ रुपैयाँमा खरिद बिक्री भइरहेको छ । चाँदीको यो मूल्य हालसम्मकै उच्च हो ।
