काठमाडौंः जारी ११ औँ महाधिवेशनमा नेकपा एमालेको अध्यक्ष पदका लागि केपी शर्मा ओलीले आफ्नो उम्मेद्वारी दर्ता गरेका छन् । काठमाडौंको भृकुटीमण्डपमा जारी बन्दसत्रमा ओलीले आफ्नो उम्मेद्वारी दर्ता गराएका हुन् ।
ओलीको सचिवालयका अनुसार, रामबहादुर थापा बादल ओलीको प्रस्तावक रहेका छन् भने समर्थकमा विष्णुप्रसाद पौडेल रहेका छन् ।
निर्वाचन कार्यतालिका अनुसार मतदान भोलि हुँदैछ । आजै उम्मेद्वारको अन्तिम नामावली प्रकाशन हुँदैछ ।
अर्का अध्यक्षका प्रत्यासी ईश्वर पोखरेलले पनि उम्मेदवारी दर्ता गराइसकेका छन् । ओली र पोखरेल दुवै प्यानल बनाएर चुनावी मैदानमा उत्रिएका हुन् । सबै उम्मेद्वारको नाम आइसक्न बाँकी छ ।
