विराटचोकः आज फेरि सुनको भाउले हालसम्मकै उच्च मूल्यको रेकर्ड बनाएको छ । तोलाको २ लाख ६० हजार ७०० रुपैयाँ पुगेर सुनको भाउले शुक्रबार कायम उच्च मूल्यको रेकर्ड तोडेर हालसम्मको उच्च मूल्यको रेकर्ड कायम गरेको हो ।
नेपाल सुनचाँदी व्यवसायी महासंघका अनुसार आज छापावाल सुनको भाउ प्रति तोला १ हजार ९०० रुपैयाँ बढेर २ लाख ६० हजार ७०० रुपैयाँ पुगेको छ । चाँदीको भाउ तोलामा ४५ रुपैयाँ बढेर तोलाको ३ हजार ८७० रुपैयाँ पुगेको छ ।
शुक्रबार सुनको भाउ तोलामा २ हजार २०० रुपैयाँ बढेको थियो । चाँदीको भाउ भने तोलामा ८० रुपैयाँ घटेको थियो ।
